Web de Ulla Umia Lerez

Título: MELLORAS NO CETMO A TRAVÉS DAS APLICACIÓN NTIC's

Data e localización: Soutelo de Montes ( Forcarei )

Promotor: Verbo Xido

Descrición e obxetivos

A proposta consiste na ampliación dos espazos virtuais do CETMo.

O Centro Etnográfico de Terra de Montes (CETMo) ten como obxectivo o estudo, conservación e divulgación da cultura material da comarca. A colección está composta de máis de 1200 pezas das que 740 están expostas.Este centro está localizado en Soutelo de Montes no concello de Forcarei.

Un dos obxectivos básicos é conseguir que o CETMo se converta nun espazo virtual de aí os investimentos en material audiovisual e informático. A través da páxina web os visitantes poderán consultar o catálogo e biblioteca de xeito gratuíto, tamén poderán facer visitas guiadas e consultar os fondos.

Tamén modernizarán un pouco máis o espazo expositivo actual, para iso colocaranse pequenas pantallas nas que se amosarán vídeos explicativos deseñados especialmente  para o centro.

Mais toda este axeitamento ás novas tecnoloxías non será posíbel mentres non organicen o material que xa existe polo que é imprescindíbel a realización de inventarios e catálogos informáticos  e  a reestruturación do espazo a través do embalaxe das pezas que debemos retirar.

Tamén é preciso investir de novo na sinalización xa que se pretende organizar vistas virtuais e os cartaces que definen as pezas apenas son visíbeis e tampouco explican nada sobre a súa orixe, data, etc.

As actuacións a desenvolver consisten en traballar en diferentes ámbitos, por  unha banda realizaranse actividades para mellorar a difusión e a divulgación do centro, sobre todo encamiñadas á elaboración e o investimento en materiais  que facilitarían unha mellor compresión  das coleccións expostas, e á difusión do coñecemento máis aló do espazo do CETMo, a través da aplicacións das NTIC´s.
 
Por outra banda, traballarase na ordenación de fondos de fondos museográficos, bibliográficos e arquivísticos, xa que  a pesar de que o CETMo conta cunha biblioteca especializada en etnografía galega e  de Terra de Montes, é preciso levar  a cabo unha labor  de ordenación de fondos que permita entre outras cousas, unha catalogación informática.

Detallamos máis os investimentos:

1. MATERIAL AUDIOVISUAL: A través do material audiovisual preténdese ampliar o contido do CETMo, de xeito que se poda conectar o material exposto no centro coa comarca e co resto de Galicia. Proxectaranse vídeos de temas etnográficos e históricos sobre Terra de Montes e Galicia, así como fotografías de paisaxes culturais, espazos e arquitecturas característicos de Terra de Montes (muíños, casas tradicionais, alvarizas, igrexas, ferrerías, etc.).

INVESTIMENTO: Proxector LCD, CPU con lector de DVD, pantalla de proxección.

2. MATERIAL EXPOSITIVO (SINALIZACIÓN) AXEITAMENTO PARA VISITAS VIRTUAIS: Faranse cartaces explicativos, que sexan vistosos e didácticos. En total, a idea é facer 11 carteis, que se correspondan coas diferentes áreas temáticas tratadas no CETMO (emigración, relixión, alcoba, nenez, oficios 1, 2 e 3, cociña e preparación de alimentos, agricultura e gandería). As dimensións dos carteis serán de 100 x 75 cm, sobre cartón pluma de 10 ou 15 mm. O tamaño, sen embargo, é variable dependendo do tema. Alén diso, imprimiranse fotografías a gran formato (95 x 65 cm) montadas en cartón pluma de 10 mm.   Para posíbeis exposicións itinerantes.

INVESTIMENTO: realización dos carteis, fotografías, impresión carteis.

3. EMBALAXE PROFISIONAL DO MATERIAL NON EXPOSTO: A remodelación dos contidos museográficos implica que parte dos obxectos actualmente en exhibición terán que ser almacenados. Para a súa correcta preservación será necesario embalar as pezas en caixas de madeira etiquetadas con material de recheo e xel de sílice para a humidade.

INVESTIMENTO: Caixas de embalaxe de madeira con cantoneiras reforzadas e alvéolos preformados: (25 caixas) Xel de sílice macroporoso en bolsa desecante de polietileno (25 paquetes).

4. ELABORACIÓN DE INEVETARIO INFORMÁTICO DE PEZAS: Realización do inventario informático completo e detallado con fotografías das pezas do CETMo por parte dunha empresa especializada en patrimonio cultural. O CETMo conta na actualidade con 1.350 pezas.

INVESTIMENTO: realización de inventario.

5. CATÁLOGO ILUSTRADO E INFORMÁTICO: Elaborarase un libriño ilustrado de aproximadamente 50 páxinas (que en ningún caso se venderá), ordenado seguindo o discurso museográfico, cunha descrición das pezas máis sobranceiras e características. Formato DIN-A6 (3/4). A realización do libro (deseño e maquetación profesional) correrá a cargo dunha empresa de xestión do patrimonio cultural.

INVESTIMENTO: deseño e maquetación do catálogo e edición.

6. ORGANIZACIÓN DE ARQUIVO E BIBLIOTECA ONLINE: Realización dun base de datos para os documentos históricos conservados no CETMo e catálogo dos fondos bibliográficos a cargo dunha empresa de xestión do patrimonio cultural. A catalogación do fondo documental e bibliográfico permitirá o seu uso público por visitantes e investigadores. Ademais, adquiriranse mobles e arquivadores para almacenar correctamente os materiais.

INVESTIMENTO: realización de catálogo informático. 4 librerías e 2 mobles arquivadores.

Orzamento:

Este proxecto ten un investimento de 17.610,60 euros e acada no baremo 72 puntos, polo que ten unha porcentaxe de axuda de 88,80% (15.638,21 euros).

Fala o promotor: (Vídeos/Fotos)