Web de Ulla Umia Lerez

Título: POSTA EN VALOR DO PATRIMONIO NATURAL DA C.M.V.M.C. FIXÓ - PORTELA

Data e localización: Fixó - Portela (Forcarei)

Promotor: C.M.V.M.C. Fixó - Portela

Descrición e obxetivos

A zona obxecto de estudo está situada no M.V.M.C de Fixó - Portela sito na parroquia de Millerada, no concello de Forcarei, comarca da Tabeirós - Terra de Montes e provincia de Pontevedra.

Circunscrito no partido xudicial de A Estrada, inclúese no Distrito Forestal XVI “Deza - Tabeirós” e na comarca xeoforestal Costa Atlántica do Plan Forestal de Galicia.

O monte de Fixó - Portela, foi declarado como Monte Veciñal en Man Común en resolución do Xurado de Montes de Pontevedra, sendo asignada a súa propiedade xurídica ós veciños do lugar de Fixó - Portela. A superficie clasificada polo Xurado Provincial do monte veciñal ascende a 422 Ha.

A práctica totalidade do M.V.M.C de Fixó-Portela está integrado no espazo natural “Serra do Candán”, incluído na Rede Natura 2000 e na Rede Galega de Espazos Protexidos na categoría de Zona de Especial Protección dos Valores Naturais. A súa inclusión foi motivada pola existencia de notables extensións de matogueiras (Ulici minoris-Ericetum umbellatae; Ulici europaei-Ericetum cinereae; Ulici europaei-Cytisetum striati) xunto con pequenas carballeiras de Quercus robur e bosques aluviais residuais, as significativas superficies de herbazais con afloramentos rochosos e a probable presencia dun núcleo reproductor de lobo. Os incendios forestais e a introducción de especies alóctonas considéranse as principais ameazas.

A existencia do pobo abandonado de Grobas e de elementos culturais como as mámoas e as neveiras enclavadas en un entorno de alto valor paisaxístico converten a esta zona nun lugar moi visitado e de gran atractivo para os amantes dos valores naturais e culturais da nosa terra.

O obxectivo fundamental do presente proxecto é a conservación e a posta en valor do patrimonio natural, paisaxístico e etnográfico do M.V.M.C de Fixo-Portela, así como o fomento do uso social e recreativo do monte, mellorando a oferta de actividades de lecer e, deste xeito, a calidade de vida dos habitantes da zona. Con tal fin, proxéctase a apertura dun sendeiro que conducirá aos visitantes ata os elementos de maior valor etnográfico e paisaxístico do monte (neveiras, mámoa de Rofete, miradoiro de Grobas e muíño do Porto).

ACTUACIÓNS PREVISTAS:
1. Acondicionamento e apertura de sendeiro.
2. Rehabilitación do muíño do porto.
3. Sinalización.
4. Actuacións de interpretación e divulgación.
5. Consolidación de carballeira. 

Orzamento:

Este proxecto ten un investimento total de 137.931,87 €, acada 64 puntos no baremo polo que obtén unha porcentaxe de subvención de 70 % (96.552,31 €).

Fala o promotor: (Vídeos/Fotos)