Web de Ulla Umia Lerez

Título: PROXECTO SILVOPASTORIL NO MONTE OUTEIRO DOS XISTOS EN CUNTIS

Data e localización: Zo - Moreira (Cuntis / A Estrada)

Promotor: José Antonio López Pampín

Descrición e obxetivos

O presente proxecto ten por obxecto definir actuacións de silvopastoreo e creación de pasteiros no monte “Lagoa de Zo e Outeiro dos Xistos” sito no lugar de Zo, no concello de Cuntis combinado isto coa implantación do pastoreo en plantacións de froiteiras no entorno da parroquia de Moreira no concello de A Estrada. Este pastoreo será realizado por cabalos hispano – bretóns, animais dunha grande rusticidade e cunha alta taxa de transformación en carne.

O obxectivos do proxecto así como dos sistemas silvopastoris  é crear un  método de xestión da terra nos cales os bosques se manexan buscando unha integración entre a produción madeireira e froiteira coa cría de animais domésticos compatibles con eles. Os  aproveitamentos silvopastoris incrementan e diversifican a produción do monte, acurtan prazos de retorno económico dos investimentos, reducen o combustible vexetal vivo do sotobosque, permiten unha maior integración da sociedade rural nas súas explotacións, facilitan o tránsito polo monte e melloran os aspectos biolóxicos, estéticos e paisaxísticos. A instalación de zonas de Silvopastoreo xustifícase fundamentalmente, na diminución do combustible vexetal dentro das masas arbóreas, obtendo unha renda engadida ás zonas arboradas. En canto ao pastoreo das zonas de froiteiras evitase con elo o emprego de herbicidas axudando a conservar o carácter ecolóxico  destas  plantacións.

Manterase pastoreando as parcelas do proxecto a unha grea de entre 50 e 80 cabalos, os cales serán máis ou menos dependendo da época do ano e do nº de crías. As crías pasarán unha época na cal estarán en cebadeiro preparándose para a venta. De isto derívase a necesidade dos peches e a mellora dos pasteiros nas parcelas e a adaptación de naves para cebo, partos así como para posibles convalecencias ou como refuxios ou almacenamento de alimentos. 

Orzamento:

O investimento total ascende a 185.428,96 € obtivo 66 puntos no baremo polo que a porcentaxe de subvención quedaría nun 42,5 % (78.807,31 €)

Fala o promotor: (Vídeos/Fotos)