Web de Ulla Umia Lerez

O GDR “PON A ANDAR” O PROXECTO DE COMERCIALIZACIÓN DE PRODUTOS AGROALIMENTARIOS, PRIORIZANDO A INFORMACIÓN A TODOS/AS OS/AS POSÍBEIS INTERESADOS/AS.

Dende que se anunciou a posta en marcha do proxecto de comercialización de produtos agroalimentarios son moitas as persoas interesadas en coñecer como se vai a artellar na praxe este proxecto.

É por iso que o GDR decidiu facer unha rolda de charlas informativas para asentar as bases do proxecto, amais de pórse á disposición de calquera asociación ou entidade que queira organizar un encontro cos/as técnicos/as deste proxecto.

As charlas comezaron en Meavía ( Forcarei ), nun encontro organizado pola Asociación de Gandeiros/as deste concello, para continuar na Estrada o día 19 deste mes nunha xornada informativa organizada pola Concellaría de Medio Rural.

Este encontro foi valorado moi positivamente polo xerente do GDR, Anxo Escariz, que destacou que se tratou dun evento moi numeroso no que se puideron discutir os puntos febles e as fortalezas do proxecto, xa que en todo caso o éxito deste proxecto virá marcado pola implicación dos/as pequenos/as produtores/as do territorio, neste senso, a difusión é prioridade absoluta para a xerencia.

Na charla da Estrada insistiuse na matización dos pasos da primeira fase do proxecto que se corresponden coa elaboración dunha listaxe na que se recollerá a situación actual da produción no territorio do GDR, para despois facer o mesmo cos distribuidores da comarca.

Por outra banda paralelamente irase facendo unha compilación da normativa municipal e autonómica en relación coa distribución deste proxectos.

As seguintes charlas previstas poderédelas atopar neste cadro: