Web de Ulla Umia Lerez

"De novo as Asociacións Culturais Chinguilipé e O Arrieiro comprácense de convidalos a todos á:

IIIª Edición do Concurso de Tapas
"De tapas por Moraña"
...
Como os anos anteriores, esta iniciativa pretende promocionar a nosa cultura e ao mesmo tempo activar o sector hostaleiro de Moraña, utilizando para iso a nosa máis fonda tradición: a música de taberna. Acompañados polo grupo de música tradicional Chinguilipé.

Desta maneira fomentamos o noso patrimonio musical coa participación activa de todos os veciños e veciñas, recuperando un xeito de interacción social propio de épocas anteriores, e que se está perdendo nestes últimos anos, o hábito de tocar e cantar nos bares as cancións populares coñecidas por todos nós.

A actividade terá lugar o venres 23 e sábado 24 de setembro das 21:00 ás 00:00 horas, nos seguintes bares:

venres: O Pouso, Sergio, O Xavique e A Adega
sábado: Alborada, FlashGordon, O Cruce e 2mil

Nestas xornadas poderán ser degustadas 2 tapas por bar, que entrarán en concurso, de balde para os e as asistentes, acompañando á consumición."