Web de Ulla Umia Lerez

O próximo 23 de xuño, xoves, a partir das 10 da noite, terá lugar o lumeiro no campo da festa de Ouzande. Como todos os anos, darémoslle a benvida ao verán arredor da fogueira. Faremos festa co grupo Retrouso e, se queres, podes traer algún instrumento para animar. Teremos á venda pan e chourizos que poderás asar ti mesmo/a nas brasas da fogueira. E ao final saltaremos por riba do lume. Se queres, podes traer algún recipiente para levares a auga de flores para a casa. (Os nenos e nenas poden vir a partir das sete da tarde para preparar a festa, facer o moneco e recoller as flores para a auga...)

PROXECCIÓN DO DOCUMENTAL “O ESPÍRITO DAS TRINCADEIRAS” DO ESTRADENSE SENÉM OUTEIRO

A actividade terá lugar o próximo día 25 de xuño, sábado, no Local Social de Ouzande.

Realizaranse dous pases, o primeiro ás 19:30 e o segundo ás 21:30. Contaremos coa presenza do autor do documental

O filme, escrito e dirixido por Seném Outeiro, narra a loita que no ano 1990 o pobo de Goián desenvolveu na defensa do monte comunal das Trincadeiras que pretendía ser expropiado pola empresa que construía a autopista Vigo-Porriño. O pobo de Goián opúxose e despois conquerir con moito esforzo a súa vitoria celebrou anualmente unha festa de exaltación das Trincadeiras coma movemento veciñal e coma posta en valor dos espazos comunais.

Trátase dunha interesantísimo traballo polo cal recomendamos a todos e todas a asistencia. Vaiche gustar.

CAMISETAS DO DÉCIMO ANIVERSARIO.

Na taberna de Ouzande están á venda as fermosas camisetas deste ano, que conmemoran o décimo aniversario da asociación. Se aínda non a tés, faite con ela para lucila este verán. Dispoñemos de 3 modelos distintos. En próximos días estarán tamén no Bar A Farola, na Librería Alberte Quiñoi e no Bar A Caldesiña da Estrada

Toda a información e as fotos das actividades no noso blog

http://carreiros.blogspot.com 

Tamén estamos en youtube e facebook:

http://www.youtube.com/user/afervenzadeouzande

http://gl-es.facebook.com/people/A-Fervenza-de-Ouzande/1431495099

O domingo 19 de decembro de 2010, no local de Ouzande terá lugar a presentación do nº 9 da revista Carreiros, publicada pola Asociación.

O acto consistirá na presentación do novo Carreiros, e na proxección de imaxes e videos sobre o mesmo.

Indícanos que este evento  rematará COMPARTINDO UNHA RICA MERENDA A BASE DE CHOCOLATE QUENTE CON BISCOITO.

No seguinte enlace pódese visionar o spot realizado para a ocasión e que está distribuído nas redes sociais de internet:
http://www.youtube.com/watch?v=yVUSiexqxXM

Máis información en http://carreiros.blogspot.com