Web de Ulla Umia Lerez

Repartiranse un total de 1025 euros, e nove premios en tres categorías

 A Xunta de Goberno local do Concello da Estrada aprobou, en Xunta de Goberno celebrada esta mañá, as bases que regularán o concurso de disfraces que terá lugar durante estas festas de Entroido 2010.

En total, repartiranse 1.025 euros, entre as categorías de disfrace individual, de parellas, e de grupos. Haberá tres premios en cada unha das categorías. Os grupos deberán estar compostos, cando menos, por 5 persoas.

INDIVIDUAIS PARELLAS GRUPOS
1º premio 50€ 1º premio 100€ 1º premio 400€
2º premio 30€ 2º premio 75€ 2º premio 200€
3º premio 20€ 3º premio 50€ 3º premio 100€

A participación está aberta a todas as asociacións, barrios, parroquias, colexios e persoas que o desexen. O concurso terá lugar o luns 15 de febreiro, a partires das 17:00 horas, na Praza da Feira.

Os participantes deberán inscribirse no Departamento de Cultura do Concello, onde recibirán un xustificante que lles servirá para seren identificados. Tamén se pode realizar a inscrición telefonicamente, a través do teléfono 986 573 601.

Os participantes deberán presentarse no concurso media hora antes da sinalada para o inicio do concurso, e admitiranse inscricións ata ese momento.

O Xurado estará composto por tres persoas, que serán elixidos entre as asociacións de comerciantes, de hostalería, e da Fundación Cultural da Estrada. Os seus integrantes deberán ter en conta, á hora de ditaminar o seu veredicto, non só a categoría do disfrace, senón a participación activa e humorística no desfile do Entroido, así como a orixinalidade e a creatividade coa que foi realizado.