Web de Ulla Umia Lerez

A Oficina Municipal de Información Xuvenil (OMIX) informará sobre os campamentos “Acción de verán” que organiza a Xunta. Esta iniciativa oferta distintas alternativas de lecer e tempo libre para persoas desde os 9 aos 35 anos.

As actividades desenvolveranse en todo o territorio galego, e ademais incluirán intercambios con outras comunidades, e tamén de carácter internacional. A campaña inclúe campamentos, dirixidos a participantes de 9 a 17 anos, ademais de campos de traballo ou estadías multiaventura e deporte para as idades entre os 18 e os 25 anos.

O prazo de inscrición comeza hoxe, tras a publicación da orde de convocatoria no Diario Oficial de onte (luns 8). As persoas que desexen informarse poden facelo de 9:00 a 14:00 horas na oficina situada no edificio de usos múltiples, ou ben a través do teléfono 986 59 01 21.