Web de Ulla Umia Lerez

O concello de Catoira tamén prepara actividades para estas datas. Sen dúbida o prato forte está no concurso de comparsas que se vai a  celebrar o domingo 14 de febreiro , de seguido expoñemos as normas básica de participación e os premios.

CONCURSO COLECTIVO:
As comparsas deberán estar integradas por un mínimo de 15 persoas.
Un incentivo de 200 euros para cada asociación de Catoira que presente unha comparsa ó Entroido 2010. As asociacións que se presenten deberán estar legalmente constituídas e ter realizado actividades durante o ano 2009.
Tres premios á creatividade para comparsas:

• 1º Premio: 300 €
• 2º Premio: 200 €
• 3º Premio: 100 €

As asociacións e grupos interesados en participar deberán inscribirse na Biblioteca Pública Municipal (Tf. 986 54 68 01). O prazo remata o mércores 10 de febreiro. As asociacións de Catoira deberán axuntar ó boletín de inscrición unha fotocopia do CIF.
As comparsas que se presenten ó concurso deberán representar a idea central do seu disfrace na Festa de Disfraces que terá lugar no Pavillón Municipal de Deportes despois do desfile polas rúas do municipio o domingo 14 de febreiro.
Os premios ás mellores comparsas serán outorgados por votación do público asistente.

DESFILE DE DISFRACES INFANTIL:
Tódolos rapaces/zas que acudan disfrazados/as e participen no desfile que se celebrará no Pavillón Municipal de Deportes recibirán unhas lambonadas.

O desfile de comparsas e disfraces sairá da Praza do Doutor Vázquez e percorrerá a Rúa da Estación para rematar no Pavillón Municipal de Deportes.
Tódolos/as participantes deberán concentrarse na Praza do Dr. Vázquez ás 17,30 horas do domingo 14 de febreiro de 2010.
 

E para rematar a festa non deixedes de asistir a mexillonada popular.

Ademais do concurso de disfraces o sábado 20  todos os veciños poderán asistir á representación do conto animado "Peer Gynt" no salón de actos do Edificio Felipe Aragunde.