Web de Ulla Umia Lerez

Geocaching no Turismo Rural
Desde Fegatur, a Federación Galega de Turismo Rural, propoñémosche unha nova alternativa para gozar do turismo rural en Galicia: o Geocaching. O Geocaching permitirache visitar lugares que non están nas grandes rutas turísticas e ofrece a oportunidade de coñecer recunchos que doutra maneira estarían esquecidos. O Geocaching, metade xogo, metade deporte, pode practicarse só, en grupo ou familia segundo o grado de dificultade.

¿Cómo funciona?
Os propietarios dos aloxamentos rurais participantes no programa agocharon os seus caches, normalmente pequenos recipientes herméticos (tipo Tubber) que levan dentro un caderno de bitácora e algún obxecto relacionado coa zona. O agocho xeoreferenciarase con axuda dun GPS e realízase unha pequena descrición. Cando realizas a túa reserva e ao chegar ao aloxamento, esta información entregaráseche xunto cun GPS; xa podes empezar a buscar!. Unha vez atopado o cache, podes anotar os teus datos no caderno de bitácora e habilitamos un grupo fotográfico en internet para que poidas subir as túas fotos da búsqueda do tesouro e compartilas cos demáis geocachers.

Grupo fotográfico de Flickr Geocaching no Turismo Rural

Programa Geocaching
Para reservas poñerse en contacto directamente co Aloxamento Rural.
O prezo de pernoctación corresponde á tarifa oficial do aloxamento.
Suplemento geocaching: 15€/persoa. Inclúe pick-nick e kit de geocaching (GPS de man, mapa e instruccións)

MAÍS INFO NA NOSA WEB : http://www.galiciaturismorural.es/web/index.php