Web de Ulla Umia Lerez

Nome

amuruco

Historia

A Asociación de Mulleres Rurais de Codeseda comezou a súa andaina no ano 1994 cun grupo formado por vinte mulleres rurais con inquedanzas socioculturais, tales como:

1. Defender os intereses das mulleres do rural.
    
2. Proporcionarlles ás mulleres do medio rural formación profesional e cultural, contribuíndo á súa total realización laboral e persoal.
    
3. Mellorar o medio rural mediante un óptimo aproveitamento dos recursos dispoñibles, que lles permita ás mulleres unhas axeitadas condicións de vida. 
    
4. Fomentar e mellorar as relacións entre as persoas da localidade.
    
5. Con estes ideais, a asociación comezou a realizar formación para ampliar os coñecementos das mulleres en campos tales como restauración e tapizado de mobles, informática, manualidades, cociña, pintura, decoración de interiores e agricultura, así como a organizar charlas, conferencias e excursións.

Desde hai unha década prestámoslle unha especial atención á recuperación da artesanía galega, a través da formación e investigación en deseño e encaixe de palillos, vainicas antigas, tecido en tear manual e confección de tapices, alfombras e encaixes.

Qué facemos?

Promoción social, cultural e laboral da muller rural e dinamización do medio rural.

Curso continuo de encaixe e deseño de variadas técnicas: torchón, guipure, milan ruso, schneebecer, idria, cantú, honiton, chantilly, checo, historia e catalogación do encaixe.

Labores: vainicas, punto cruz, yugoslavo, calceta, ganchillo, modista...

Outras: cursos de cociña, conservas, licores, encuadernación, xabóns, artesanais, patchwork (retalería), ximnasia, natación, agricultura ecolóxica, viveirista, informática...  

Charlas de moitos e variados temas.

Contacta

Mª Carmen López Eirín. Tfno.: 986 584 256 

Videos / Fotos