Web de Ulla Umia Lerez

Nome

Fundación BAUTISTA ALVAREZ DE ESTUDIOS NACIONALISTAS

Historia

  Presentación

A Fundación Bautista Álvarez de Estudos Nacionalistas, constitúese en xullo de 2004 como Fundación de interese galego sen ánimo de lucro.
Obxectivos

• Promover a recuperación de toda aquela documentación, sexa gráfica, escrita ou noutro soporte, que se xerou ao longo do século XX e que constitúa elemento de identidade do movemento nacionalista galego, especialmente na segunda metade do século.
• Ser centro de documentación, consulta e estudo sobre as actividades das organizacións nacionalistas xurdidas fundamentalmente nas décadas dos 60, 70 e 80 do século XX xa sexan de carácter cultural, estudantil, sindical, ambiental ou político, nas que a Unión do Povo Galego, ben de xeito directo ou indirecto, participou na súa xestación, constitución e/ou organización.
• Difundir entre os galegos e as galegas os estudos sobre a realidade da nación galega e a súa sociedade que contribúan a un mellor coñecemento da realidade da Galiza e do mundo, influíndo para desenvolver unha sociedade plenamente democrática. Tamén difundirá, a escala internacional, a realidade social e política da Galiza como nación.
• Convocar cursos, xornadas e debates sobre temas relativos ao nacionalismo e ao marxismo nas súas dimensións política, social, cultural e económica.

Qué facemos?

• Edición de revistas, primordialmente da cabeceira histórica Terra e Tempo .
• Edición de libros ou outras publicacións ou participando na súa promoción mediante as axudas correspondentes.
• Organización dun arquivo do nacionalismo galego da segunda metade do século XX.
• Promoción e organización de exposicións e actividades públicas co fin de difundir os obxectivos fundacionais.
• Estabelecer as axudas, becas, estudos, premios e calquera outra iniciativa que contribúa a arriquecer o patrimonio documental e a difusión dos obxectivos fundacionais.
   

Contacta

 www.bautistaalvarez.org

Videos / Fotos